ا نٹر ٹینمنٹ

شادی اور فراغت کا لطف اٹھا رہی ہوں، رانی مکھرجی

شادی اور فراغت کا لطف اٹھا رہی ہوں، رانی مکھرجی

بالی ووڈ اداکارہ رانی مکھرجی کا کہنا ہے کہ وہ فی الحال اپنی شادی شدہ زندگی اور اداکاری سے دور فراغت سے لطف اندوز ہورہی ہیں۔ رانی مکھرجی نے گزشتہ سال ہدایت کار ادتیہ چوپڑا کے ساتھ شادی کی تھی جس کے بعد سے وہ بہت کم فلموں میں اداکاری کرتی نظر آئیں۔ حال ہی میں ووگ انڈیا کو ایک انٹرویو دیتے ہوئے اداکارہ کا کہنا تھا کہ وہ اس وقت اپنی زندگی سے بھر پور لطف اٹھا رہی ہیں۔ کسی فلم کی ہدایات دینے کے بارے میں رانی کا کہنا تھا کہ ان کے شوہر ادتیہ چوپڑا خود بہت اچھے اور کامیاب ہدایت کار ہیں اور اگر اداکارہ چاہیں تو ان کے شوہر انہیں کسی فلم کی ہدایات سے روکیں گے نہیں البتہ فی الحال انہوں نے ایسا کچھ نہیں سوچا۔ رانی کا بالی ووڈ میں اپنے کیرئیر کے حوالے سے کہنا تھا کہ بالی ووڈ کہ تین ایسے لوگ ہیں جن کی وجہ سے آج وہ اس مقام پر ہیں جن میں ادتیہ چوپڑا، شاہ رخ خان اور عامر خان شامل ہیں۔ رانی نے اپنے بالی ووڈ کیرئیر میں متعدد کامیاب فلموں میں کام کیا ہے اور ان کی آخری ریلیز فلم مردانی میں انہیں ایک انوکھے انداز میں دیکھا گیا تھا